Një faqe interneti takimesh franceze ka gjetur një mënyrë shumë origjinale për të lehtësuar gjetjen e një partneri për femrat. AdopteUnMec.com ka hapur një dyqan ku meshkujt qëndrojnë në vitrinë, të mbyllur në kutia të mëdha si kukullat Barbie e ku mund të vëzhgohen mire nga partneret e tyre të ardhshme.Ky dyqan “udhëtues” do të qëndrojë për dhjetë ditët e ardhshme në Paris e më pas do të “vizitojë” edhe Tuluzën, Lionin dhe Brukselin (Belgjikë).AdopteUnMec.com është një faqe ku meshkujt dërgojnë të dhënat e tyre dhe komunikojnë me një femër vetëm nëse përzgjidhen nga ajo.
